"Barselona"nın ulduz futbolçusu Lionel Messinin oğlu Tiaqo da sözügedən komandanın şərəfini qoruyacaq. Sportfm.az xəbər verir ki, o, Kataloniya klubunun 3-5 yaşlı uşaqlardan təşkil olunan komandasına qatılıb. Xatırladaq ki, ata Messi də futbola 5 yaşında başlayıb. Hazırda dünyanın ən yaxşı iki futbolçusundan biri olan argentinalı 8 yaşında "Qrandoli"nin aşağı yaş qrupundan "Nyuells Old Boys"a transfer olunub.

Qeyd edək ki, ulduz futbolçu səhhətindəki problemlər səbəbindən 13 yaşında "La Masia"ya keçib və 16 yaşında "Barselona"da peşəkar futbola başlayıb.