Azərbaycan şahmatçısı Şəhriyar Məmmədyarov Rusiyanın Sank-Peterburq şəhərində keçirilən dünya çempionatında rapid növü üzrə gümüş medal qazanıb. 

Sportfm.az xəbər verir ki, yarışın son günündə 3 qələbə, 2 heç-heçə edən 33 yaşlı qrossmeyster xallarını 10,5-ə çatdırıb. Onun son turda heç-heçə etdiyi rusiyalı Daniel Dubov isə 11 xalla dünya çempionu olub. Bürünc medala 10,5 xalla ABŞ təmsilçisi Hikaru Nakamura sahib çıxıb. 

Azərbaycanın digər kişi şahmatçılarına gəldikdə, Qədir Hüseynov 9 xalla 37-ci, Rauf Məmmədov 8 xalla 77-ci olub. 

Qadınların mübarizəsində isə Gülnar Məmmədova 7,5 xalla 18-ci, Günay Məmmədzadə 7 xalla 39-cu yeri tutub. Hərəyə 5,5 xal yığan bacılardan Zeynəb Məmmədyarova 76-cı, Türkan Məmmədyarova 79-cu olub. 

Çinli Tsyuy Ventszyun 10 xalla dünya çempionu adını qazanıb. İranlı Sarasadat Xademəlşəriyə 9 xalla gümüş, eyni xala malik rusiyalı Aleksandra Qoryaçkina bürünc medal əldə edib.

Oxşar xəbərlər

Ən yüksək yerdə Rauf Məmmədov qərarlaşıb - DÇ

Rapid növündə qaliblər bəlli olacaq - Dünya çempionatı

Azərbaycan şahmatçıları növbəti görüşlərini keçirəcək - Dünya çempionatı

Şəhriyar Məmmədyarov 2 pillə gerilədi

Məmmədyarov dünya çempionatına 3 qələbə ilə başladı