Qəbələ”nin 2018-2019-cu illər mövsümünün qış fasiləsindəki hazırlıq planı müəyyənləşib.

Sportfm.az xəbər verir ki, Azərbaycan Kubokunun 1/4 final mərhələsinin dekabrın 20-də keçiriləcək cavab oyunundan sonra istirahətə buraxılacaq “qırmızı-qaralar” 2019-cu il yanvarın 6-da Bakıda bir araya gələcək. Sənan Qurbanovun baş məşqçi olduğu komanda ayın 13-dək paytaxtda hazırlıq keçəcək.

Mövsümün ikinci yarısına hazırlığın növbəti mərhələsi yanvarın 13-dən Türkiyədə gerçəkləşəcək. Əyalət təmsilçisi yanvarın 27-dək Antalya bölgəsində təlim-məşq toplanışında olacaq. “Qırmızı-qaralar” Lara bölgəsindəki “Trendi otel”də məskunlaşacaq.

Türkiyə toplanışı müddətində 4 yoxlama oyunu nəzərdə tutulub. Komanda yanvarın 16, 20, 24 və 26-da keçiriləcək matçlarda qüvvəsini sınayacaq. Bu qarşılaşmalardakı rəqiblərdən ikisi dəqiqləşib. “Qəbələ” yanvarın 16-da Almaniyanın 3-cü liqa klubu “Meppen”lə üz-üzə gələcək. Ayın 24-dəki rəqib isə Rusiya təmsilçisi “Fakel” olacaq.

Oxşar xəbərlər

"Qəbələ" sabah başlayır - komanda Türkiyəyə yollanacaq

"Qəbələ" də Türkiyəyə yollandı

"Qəbələ" Bakıda toplaşacaq

“Qəbələ” klubu qış təlim-məşq toplanışına start verdi

“Qırmızı-qaralar”ın hazırlıq planı müəyyənləşdi