Moskvada sərbəst və yunan-Roma güləşi üzrə ikiqat Olimpiya çempionu İvan Yarıginin xatirəsinə “Alrosa” kuboku yarışları keçirilib.

Sportfm.az xəbər verir ki, “Dinamo” İdman Sarayında təşkil olunan turnirdə Olimpiya çəkilərində çıxış edən güləşçilər komanda yarışlarında güclərini sınayıblar.

Sərbəst güləşçilərin turnirində məşqçi Nazim Əlicanovun rəhbərliyi altında İslam Bazarqanov (57 kq), Ənvərbəy Dalqatov (65 kq), Hacımurad Ömərov (74 kq), Kənan Əliyev (86 kq), Roman Bəkirov (97 kq) və Rahid Həmidlidən (125 kq) ibarət komanda Gürcüstana qalib gəlib, Rusiya, İran və Özbəkistana uduzub. Bu nəticə ilə yığmamız 4-cü yeri tutub.

Yunan-Roma güləşi üzrə millimizin heyətində Ramiz Məmmədov (60 kq), Kərim Cəfərov (67 kq), İslambek Dadov (77 kq), Rafiq Hüseynov (87 kq), Zamir Məhəmmədov (97 kq) və Türmən Eyyubov (130 kq) yer alıb. Məşqçilər Turac Hüseynli və Zöhrab Abbasovun tapşırıqlarını icra edən komandamız Rusiya və Özbəkistana məğlub olub, Gürcüstana isə qalib gəlib. Bu nəticə ilə millimiz “Alrosa” kuboku yarışlarını bürünc medalla başa vurub.

Qeyd edək ki, görüşlərin idarə edilməsində ölkəmizi birinci dərəcəli beynəlxalq hakim Natiq Hacıyev təmsil edib.

Oxşar xəbərlər

Yığma komandamız Qran-Pridə mübarizə aparacaq

Sərbəst güləşçilərimiz Olimpiya çempionunun xatirə turnirində yarışırlar

Güləşçilərimiz Kiyevdə güclərini sınayacaqlar

Gənc güləşçilərimiz Tehranda beynəlxalq turnirdə mübarizə aparacaqlar

İrana yollanacaq güləşçilərimiz məlum oldu