Türkiyə güləşçisi Taha Akgül Rio-2016 Türkiyəyə ilk qızıl medalını qazanıb. AZƏRTAC xəbər verir ki, sərbəst güləş yarışlarında 125 kiloqram çəki dərəcəsində çıxış edən son iki ilin dünya çempionu Taha Akgül final qarşılaşmasında son Olimpiya Oyunlarının bürünc mükafatçısı olan iranlı idmançıya qalib gəlib.

Xatırladaq ki, Türkiyə idmançıları Braziliya Olimpiadasında ümumilikdə 8 medal qazanıblar. Medalların 5-i güləşçilərin payına düşür.