“Qəbələ”nin baş məşqçisi Sənan Qurbanov Topaz Premyer Liqasının V turunda səfərdə “Qarabağ”a 1:4 hesabı ilə məğlub olduqları oyundan sonra mətbuat konfransında fikirlərini bölüşüb. 

Sportal.az xəbər verir ki, gənc çalışdırıcı öncə oyunla bağlı danışıb: 

- Uğursuzluğa son qoya bilmirik. Oyunumuzda inkişaf olsa da, heç kim bunu başa düşməyəcək. Çünki hamı “Qəbələ”dən qələbə gözləyir. Futbolçularım yaxşı oynamağa çalışsa da, səhvlər etdik. Uzun müddətdir komandadayam, heç kim istəmir “Qəbələ” məğlub olsun. Vəziyyəti düzəltməyə çalışacağıq. Cəzalanmalı futbolçular cəzalanacaq. 

- Hər oyuna qələbə qazanmaq üçün çıxdığınızı deyirsiniz. Rəqib hansı heyətlə meydana çıxmalıdır ki, “Qəbələ” qələbə qazansın?

- “Qarabağ” ikinci heyətlə oynamırdı. Bütün futbolçular “Qarabağ”a lazımdır. 

- Bu nəticələrə görə günahkar kimdir?

-Komandanın başında mənəm, ilk növbədə günahkar özüməm. Ancaq çalışırıq, vəziyyəti düzəltmək üçün mübarizə aparırıq. Əlimizə düşən imkanlardan yararlansaq, belə danışmarıq. Məğlubiyyətə səbəbkar özüməm. 

- İstefaya göndəriləcəyinizlə bağlı xəbərlər yayılıb.  Bu, doğrudur?

-“Qəbələ” üçün xeyirlisi nə olsa, ilk addımı mən atacam. Rəhbərliyin qərarına hörmətlə yanaşacam. Amma nə qədər ki, burdayam, əlimdən gələnin ən yaxşısını etməyə çalışacağam.

- 

Oxşar xəbərlər

"Bizim işimiz axıra qədər mübarizə aparmaqdır" - Sənan Qurbanov

“İşimizi sırf irad üzərində qurmamışıq" - Elmar Baxşıyev

"Amin Seydiyev, Bəhlul Mustafazadə, Rauf Əliyev və digər futbolçularımız millidə oynamağa layiqdirlər" - Sənan Qurbanov

Sənan Qurbanov: "Üzücü məğlubiyyət oldu"

"Əliyev ehtiyatdan oyuna çox fəal daxil oldu” - Sənan Qurbanov