“Qəbələ”nin baş məşqçisi Sənan Qurbanov Azərbaycan Premyer Liqasının 21-ci turunda səfərdə "Neftçi" ilə 1:1 hesablı heç-heçə etdikləri oyundan sonra mətbuat konfransında fikirlərini bölüşüb. 

Sportfm.az xəbər verir ki, 39 yaşlı mütəxəssis öncə oyunu şərh edib: 

- Gərgin, mübarizəli oyun olacağını gözləyirdik. Belə də oldu. İlk hissədə oyunumuz yaxşı alınmadı. Amma ikinci hissədə yaxşı futbol ortaya qoyduq. Hesabda geri olsaq da, özümüzə gələ bildik. Uşaqları mübarizəyə görə təbrik edirəm. 

- Kubokda da mübarizəni davam etdirirsiniz. Daha çox diqqətinizi hansı yarışa yönəldəcəksiniz?

- İki cəbhədə də mübarizə aparmağa çalışacağıq. Həm kubok oyununa belə yanaşacağıq, həm də çempionatda yaxşı çıxış etməyə çalışacağıq. 

- “Qəbələ”nin heç bir futbolçusu milli komandaya dəvət almayıb. Baş məşqçinin qərarı sizi təəccübləndirmədi?

-Əlbəttə, baş məşqçinin qərarı bizi təəccübləndirdi. Lakin Nikola Yurçeviçin qərarına müdaxilə edə bilmərik. Amin Seydiyev, Bəhlul Mustafazadə, Rauf Əliyev və digər futbolçularımız millidə oynamağa layiqdirlər. Ancaq baş məşqçinin qərarı barədə danışmaq istəmirəm.

Oxşar xəbərlər

"Hər iki komanda əzmkar mübarizə apardı" - Aftandil Hacıyev

Sənan Qurbanov: "Belə az əlavə vaxt olacağını gözləmirdik"

"Belə davam etsəm, milliyə də dəvət alaram" - Rauf Əliyev

Qurban Qurbanov:"Oyundan sonra bu barədə düşündük"

"Qəbələ" Albaniya klubu ilə bərabərə qaldı