Bakıda ilk dəfə "Panna Batl" üzrə turnir keçirilib. 

Sportfm.az xəbər verir ki, tədbirdə Rusiyada "Panna Pro" üzrə çempion olan həmyerlimiz Elxan Salahov da iştirak edib. Top sehrbazı vaxtilə futbol üzrə milli komandamızın şərəfini qorumuş Samir Əbdürrəhmanov, Saşa Yunisoğlu, həmçinin "Səbail" və millimizin üzvü Ruslan Qurbanov, "Qəbələ"nin futbolçusu İlqar Qurbanov, futzal yığmamızın formasını geyinən Ramiz Çovdarov, "Neftçi"nin hücumçusu Baqali Dabo, "Şüvəlan"da çıxış edən və gecənin təşkilatçısı olan Nuqzar Kvirtiya ilə yarışıb. Bir-birindən maraqlı anların yaşandığı tədbirin sonunda Saşa Yunisoğlu ən maraqlı top sehrbazı ünvanına yiyələnib. Gecədə iştirak edən bütün qonaqlara hədiyyələr verilib. Tədbirin ən maraqlı duellərindən biri "Səbail"in forvardı Ruslan Qurbanovla "Neftçi"nin legioneri Baqali Dabo arasında yaşanıb. Aşağıdakı videoda kimin qalib gəldiyini izləyə bilərsiniz.

Oxşar xəbərlər

Saşa Yunisoğlu məşqçi kimi U-19-a ilk uğurunu qazandı

Baqali Dabo yeni klubunun formasında - FOTO

Millimizin sabiq futbolçusunu Bakıda döydülər - HADİSƏ

Qəbələ yarımfinalda

"Səbail" Almaniya klubu ilə heç-heçə etdi