Türkiyə millisinin sabiq üzvü Kolin Kazım Riçardsın yeni klubu bəlli olub. 

Sportfm.az xəbər verir ki, futbolçu karyerasını Meksikada davam etdirəcək. Belə ki, "Lobos BUAP" klubu "Korintians"dan 31 yaşlı hücumçunu icarəyə götürüb. İcarə müddəti 1 ili əhatə edəcək. 

Qeyd edək ki, Kazım 2007-2015-ci illərdə Türkiyə millisində çıxış edib. Hücumçu "Brayton", "Şeffield Yunayted", "Fənərbaxça", "Qalatasaray", "Olimpiakos", "Blekbörn", "Olimpiakos", "Bursaspor", "Feyenoord", "Seltik", "Koritiba" kimi klublarda çıxış edib.