

Futzal Federasiyasında yeniliklər -Zaur Hacı-Məhərrəmova vəzifə verildi
Bu gün Azərbaycan Futzal Federasiyasının iclası keçirilib. Federasiyanın prezidenti Zaur Axundovun rəhbərliyi ilə keçirilən iclasda son 10 il ərzində görülmüş işlərə, həm milli, həm də klub səviyyəsində qazanılmış uğurlara toxunulub.
Sportfm.az xəbər verir ki, Zaur Axundov AFFA rəhbərliyinin bu sahənin inkişafı üçün federasiyaya böyük dəstək verdiyini qeyd edib, milli komandanın 2020-ci ildə keçiriləcək dünya çempionatı ilə bağlı hədəfini açıqlayıb. Qeyd edilib ki, dünya çempionatına ilk dəfə 2016-cı ildə vəsiqə qazanan millimizin növbəti mundialın iştirakçısı olması üçün də lazımi şərait yaradılacaq. Strategiyanın saxlanılması şərtilə gənc futzalçıların milliyə dəvət edilməsi üçün də işlərin görüləcəyi vurğulanıb. Başa çatmış futzal mövsümü haqda müzakirələr aparılıb, eyni zamanda liqalarda yeni mövsümün təşkili və görüləcək işlər barədə tapşırıq verilib. Federasiyanın strukturunda da dəyişikliklər edilib. Vitse-prezident Rəşad Həsənov tutduğu vəzifədən və İcraiyyə Komitəsinin üzvlüyündən azad olunması barədə müraciət edib. Zaur Hacı-Məhərrəmov yarışların təşkili və keçirilməsi üzrə koordinator, Fərrux Hüseynzadə isə mütəxəssis vəzifəsinə təyin olunub. Mövsümün startı ərəfəsində isə federasiyanın İcraiyyə Komitəsinə seçkilər keçiriləcək. Ağarza Rzayev, Turqay Fərzəliyev və Mahmud Sadıqov İcraiyyə Komitəsinin üzvlüyünə, Rəmiş Malıyev isə vitse-prezident vəzifəsinə namizəddir.
Z. Axundov tez bir zamanda yeni mövsümün əsasnaməsinin hazırlanması, iştirakçı komandaların sayının dəqiqləşdirilməsi, federasiyanın rəsmi saytının yaradılması və istifadəyə verilməsi ilə bağlı tapşırıq verib.
Onu da qeyd edək ki, futzal federasiyası əməkdaşların iş şəraitinin yaxşılaşdırılması, gündəlik iş prosesində istifadə məqsədilə Bakı İdman Sarayının rəhbərliyinə müvafiq otaqların ayrılması üçün müraciət edib. Müraciət müsbət cavablandırılıb.
Oxşar xəbərlər
De Byaziyə iradlar bildirdi - AFFA-dan
Futzal Federasiyası olmayan çempionatın hesabatını dinləyib
Azərbaycanı Çempionlar Liqasında təmsil edəcək klub bilindi - Qərar
AFFA yeni milli komanda yaratdı - RƏSMİ
AFFA-nın İcraiyyə Komitəsinin iclası keçirildi
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan futbolunda yoxluğu hiss olunan klub - Tarix
-
Azərbaycanlı futbolçunun şikayəti təmin olundu
-
33 yaşlı futbolçu yenə klubunu dəyişir
-
Azərbaycan çempionatında 1/4 finalın cavab oyunları keçiriləcək
-
Günün canlı yayımlanacaq qarşılaşmaları - TV AFİŞA
-
Əfsanənin rekordunu təkrarlamaq ona qismət oldu - Uğur