Sloveniyada təlim-məşq toplanışında olan “Qəbələ” komandası ilk yoxlama oyununa çıxıb.

Sportfm.az xəbər verir ki, "Qəbələ”nin rəqibi Albaniyanın "Kukesi” klubu olub. Görüş 1:1 hesabı ilə yekunlaşıb. Hesabı 79-cu dəqiqədə Stiven Jozef-Monroz açıb. Lakin "qırmızı-qaralar" oyunun əsas vaxtına əlavə edilən dəqiqələrdə qələbəni əldən veriblər: Albaniya təmsilçisi bərabərlik qolunu vuraraq, məğlubiyyətdən xilas olub.

Qeyd edək ki, "Kukesi" 2017-2018-ci il mövsümünü vitse-çempion kimi başa vurub. Lakin çempion "Skenderbeu" danışılmış oyunlarda iştirak faktı ilə əlaqədar avrokuboklardan kənarlaşdırıldığından, Çempionlar Liqasına "ağ-göylər" yüksəlib. Bu klub I təsnifat mərhələsində Malta "Valletta"sını üstələməyi bacarsa, növbəti mərhələdə "Qarabağ"a rəqib ola bilər. Amma bunun üçün Azərbaycan təmsilçisi də Sloveniya "Olimpiya"sını keçməlidir.

Digər tərəfdən, hazırda "qırmızı-qaralar"ın heyətində yer alan Rauf Əliyev ötən mövsümün ilk yarısını məhz "Kukesi"də keçirib.

Oxşar xəbərlər

"Qəbələ" yenə məğlub oldu

"Qəbələ" Polşanın 9-cu komandasına qarşı

"Qəbələ" və "Dinamo" üz-üzə

"Qəbələ" Albaniya klubu ilə bərabərə qaldı

Rauf Əliyev Albaniyada fərqləndi