Rio-de-Janeyro Olimpiadasında cüdo yarışlarına start verilir. Sportfm.az xəbər verir ki, oyunların 2-ci günündə cüdo üzrə Azərbaycan milli komandası bir idmançı ilə təmsil olunacaq. 60 kq çəki dərəcəsində ölkəmizi təmsil edən Orxan Səfərov ilk görüşündə Peru cüdoçusu Xuan Postiqos üzərində ipponla qələbə qazanıb. Səfərov Qırğızıstan təmsilçisi Otar Bestayevə də ipponla qalib gələrək 1/4 finala adlayıb. 1/4 finalda braziliyalı Felipe Kitadaini də ipponla məğlub edərək yarımfinala yüksəlib. Lakin qazaxıstanlı Yeldos Smetova məğlub olaraq bürünc medal uğrunda görüşə çıxıb. Səfərovun Yaponiya idmançısı Naohisa Takatoya uduzuraq medal qazanmaq şansını əldən verib.

Qeyd edək ki, millimiz Rioda 6 cüdoçu ilə təmsil olunur.