"Ayntraxt"dan qovulan Renat Dadaşovun Berlin "Dinamo"su ilə məşqlərə çıxdığı barədə xəbər vermişdik. 

Sportfm.az xəbər verir ki, bu komandanın baş məşqçisi Rene Ridleviç milli üzvü barədə danışıb. Almaniya mətbuatına açıqlamasında o, Renatı tərifləyib:

"O, vicdanlı, sadə və xeyirxah insan təsiri bağışlayır. Yaşına görə çox yüksək keyfiyyətlərə malik futbolçudu".

Dadaşov məşq zamanı komanda yoldaşını vurduğu üçün "Ayntraxt"dan qovulub. Ona özünə yeni klub tapmaq tapşırığı verilib. 

Berlin "Dinamo"sunda Renatın qardaşı Rüfət forma geyinir.