Fəxrəddin Şahbazovun xatirəsinə həsr olunmuş ağır atletika turniri keçiriləcək. 

Sportfm.az xəbər verir ki, dekabrın 23-də Şüvəlan qəsəbəsindəki Ağır Atletika Akademiyasının yarış zalında Milli Qəhrəman Fəxrəddin Şahbazovun xatirəsinə həsr olunmuş ağır atletika üzrə açıq turnir keçiriləcək. Bakı Şəhər Gənclər və İdman Baş İdarəsi və Azərbaycan Ağır Atletika Federasiyasının təşkilatçılığı ilə baş tutacaq yarışda paytaxt və regionlarda fəaliyyət göstərən idman təşkilatlarından 1997-ci il və daha kiçik təvəllüdlü yeniyetmə və gənc ağır atletlər iştirak edə biləcəklər.  Turnirin keçirilməsində məqsəd Milli Qəhrəman Fəxrəddin Şahbazovun timsalında vətən uğrunda şəhid olmuş soydaşlarımızın xatirəsinin əziz tutulması, onun həyat yolunun və idman fəaliyyətinin böyüməkdə olan yeni nəsil idmançılar və gənclər arasında təbliğ olunması, yerlərdə ağır atletika idman növünün təbliği və inkişaf etdirilməsi, ən güclü idmançıların aşkar olunması, idmançıların ustalıq səviyyəsinin artırılmasıdır.

Oxşar xəbərlər

Ağır atletika üzrə Azərbaycan çempionatı keçiriləcək

Şüvəlanda ağır atletika üzrə açıq turnirinə start verildi - Milli Qəhrəman Fəxrəddin Şahbazovun xatirəsinə

Bakıda ağır atletika üzrə açıq turnir keçiriləcək

Ağır atletika üzrə Azərbaycan kuboku uğrunda turnir keçiriləcək

Milli Qəhrəmanın xatirəsinə həsr olunmuş beynəlxalq turnir keçirilib