1-2 dekabr 2017-ci il tarixdə Rusiya Federasiyasının Çeboksarı şəhərində qadın güləşi üzrə böyüklər arasında Dünya Kuboku yarışarı keçiriləcək.

Sportfm.az xəbər verir ki, yarışda Azərbaycanla yanaşı, ABŞ, Rusiya, Monqolustan, Ukrayna, Çin, İsveç və Yaponiya güləşçiləri iştirak edəcək.

Püşkatmanın nəticəsinə əsasən, Azərbaycan güləşçiləri Çin, Ukrayna və Monqolustan komandaları ilə B qrupunda mübarizə aparacaq. A qrupunda isə, Rusiya, ABŞ, Yaponiya və İsveç komandaları qüvvələrini sınayacaq.

Yarışda yığma komandanın böyük məşqçisi Aslan Ağayev və məşqçi Rövşən Umudovun rəhbərliyi altında 7 güləşçimiz iştirak edəcək. Heyətdə Türkan Nəsirova (48 kq), Səbinə Həmzəlzadə (53 kq), Solmaz Həşimzadə (55 kq), Alyona Kolesnik (58 kq), Tatyana Omelçenko (60 kq), Elmira Qəmbərova (63 kq) və Elis Manolova (69 kq) yer alıb.

Yarışın proqramına əsasən, dekabrın 1-də qrup görüşləri keçiriləcək. Qrup liderləri finalda, qrup ikinciləri isə 3-cülük uğrunda görüşəcək.

Görüşlərin idarə edilməsində ölkəmizi beynəlxalq dərəcəli hakim İntiqam Alıyev təmsil edəcək.

Oxşar xəbərlər

Güləşçilərimiz Dünya Kubokunda iştirak edəcək

Millinin Avropa çempionatı üçün heyəti - SİYAHI

Güləşçilərimiz açıq Rusiya kubokunda güclərini sınayacaqlar

Güləşçilərimizdən böyük uğur

Dünya çempionatında ölkəmiz neçə güləşçi ilə təmsil olunacaq?