Çempionlar Liqasının qrup mərhələsində V tura start verilib.
Sportfm.az xəbər verir ki, ilk oyun günündə E, F, G və H qruplarında yer alan kollektivlər üz-üzə gəlib.
Türkiyənin "Beşiktaş" klubu qonaq etdiyi "Porto" (Portuqaliya) ilə 1-1 bərabərə qalaraq son matç öncəsi "G" qrupunu lider kimi bitirməyi özünə təmin edib. Beləliklə, "ağ-qaralar" klub tarixində ilk dəfə olaraq Çempionlar Liqasının "play-off" mərhələsinə yüksəlib.
"E" qrupunun görüşünü maraqlı edən "Sevilya" – "Liverpul" qarşılaşması böyük həyəcana səhnə olub. "Liverpul" Firminonun 2 və 30, Manenin isə 22-ci dəqiqədə vurduğu qollarla fasiləyə 3-0 öndə yollanıb. Lakin ev sahibi "Sevilya" Ben Yedderin 51 və 60, Pizarronun isə 90+3-cü dəqiqədə vurduğu qollarla matçı 3-3-lük heç-heçə ilə başa vurmağı bacarıb.
Rəqib qapıçını iki dəfə məyus edən "Liverpul"un braziliyalı futbolçusu Roberto Firmino, Çempionlar Liqasındakı ilk 5 oyununda 5 qol vuran ilk oyunçu kimi tarixə düşüb.
Çempionlar Liqası, Qrup mərhələsi, V tur
E qrupu
21:00. "Spartak" (Moskva, Rusiya) - "Maribor" (Sloveniya) - 1:1
Qollar: Ze Luis, 82 - Yasmin Mesanoviç, 90
23:45. "Sevilya" (İspaniya) - "Liverpul" (İngiltərə) - 3:3
Qollar: Vissam Ben Yedder, 51; 60. Quido Pizzarro, 90 - Roberto Firmino, 2; 30. Sadio Mane, 21
Xal durumu: "Liverpul" - 9, "Sevilya" - 8, "Spartak" - 6, "Maribor" - 2.
F qrupu
23:45. "Napoli" (İtaliya) - "Şaxtyor" (Ukrayna) 3:0
Qollar: Lorentso İnsinye, 56. Pyotr Zelinski, 81. Dris Mertens, 83
23:45. "Mançester Siti" (İngiltərə) - "Feyenoord" (Hollandiya) - 1:0
Qol: Rahim Sterlinq, 88
Xal durumu: "Mançester Siti" - 15, "Şaxtyor" - 9, "Napoli" - 6, "Feyenoord" - 0.
G qrupu
23:45. "Monako" (Fransa) - "Leyptsiq" (Almaniya) - 1:4
Qollar: Radamel Falkao, 43 - Jemerson, 6-öz qapısına. Timo Verner, 9. 31-penalti ilə. Nabi Keyta, 45
21:00. "Beşiktaş" (Türkiyə) - "Portu" (Portuqaliya) - 1:1
Qollar: Anderson Taliska, 40 - Felipe, 29
Xal durumu: "Beşiktaş" - 11, "Portu" - 7, "Leyptsiq" - 7, "Monako" - 2.
H qrupu
23:45. "Borussiya" (Dortmund, Almaniya) - "Tottenhem" (İngiltərə) - 1:2
Qollar: Pyer-Emerik Obameyanq, 31 - Hari Keyn, 52. Hunq Min Son, 76
23:45. APOEL (Kipr) - "Real Madrid" (İspaniya) 0:6
Qollar: Luka Modriç 23. Kərim Benzema, 39; 45+1. Naço Ferdandez, 41. Kriştianu Ronaldu, 49; 54
Xal durumu: "Tottenhem" - 13, "Real Madrid" - 10, "Borussiya" - 2, APOEL - 2.

Oxşar xəbərlər

Çempionlar Liqasında qrup mərhələsi başa çatdı - 1/8 finala kimlər vəsiqə qazandı?

"Liverpul"dan darmadağın, "Beşiktaş"dan növbəti qələbə

"Beşiktaş" 2-ci qələbəsini qazandı - ÇL-da gecənin nəticələri

"Beşiktaş" çətin sınaq qarşısında - Çempionlar Liqasının qrup mərhələsində 2-ci tur

"Beşiktaş" Çempionlar Liqasına qələbə ilə başladı - Nəticələr