"Sevilya" yeni mövsüm öncəsi heyətini gücləndirib.

Qol.az-ın klubun rəsmi saytına istinadən verdiyi məlumata görə, La Liqa təmsilçisi yaponiyalı futbolçu Xirosi Kiyotakeni transfer edib.

26 yaşlı futbolçu ilə 4 illik müqavilə imzalanıb. "Hannover"dən transfer olunan Yaponiya millisinin üzvü 2020-ci ilə qədər "Sevilya"nın şərəfini qoruyacaq.

Qeyd edək ki, ötən mövsüm Bundesliqada 21 oyun keçirən Kiyotake 5 qol vurub və 6 məhsuldar ötürmə verib.