"Borussiya" klubu növbəti transferini gerçəkləşdirib. Qol.az-ın klubun rəsmi saytına istinadən verdiyi məlumata görə, Dortmund təmsilçisi "Volfsburq"dan Andre Şürrleni transfer edib. 25 yaşlı futbolçu ilə 5 illik müqavilə imzalanıb. "Borussiya" bu transfer üçün "Volfsburq"a 28 milyon avro ödəyəcək.

Qeyd edək ki, ötən mövsüm "Volfsburq"un heyətində 41 oyun keçirən Şürrle 12 qol vurub və 7 məhsuldar ötürmə verib.

Xatırladaq ki, "Borussiya" son olaraq "Bavariya"dan sabiq futbolçusu Mario Qötzeni heyətinə qatıb.