"Atletiko" yeni mövsüm üçün heyətini gücləndirib.

Qol.az-ın klubun rəsmi saytına istinadən verdiyi məlumata görə, Madrid təmsilçisi "Benfika"dan Nikolas Qaytanı transfer edib.

Hazırda Amerika kubokunda mübarizəsini davam etdirən Argentina millisinin heyətində olan Qaytan Madridə döndükdən sonra onunla rəsmi müqavilə imzalanacaq.

Qeyd edək ki, 2010-cu ildən "Benfika"da çıxış edən 28 yaşlı futbolçu keçirdiyi 252 oyunda 42 qol vurub.