Fuad Rzayev:"Mərhələni adlamaq mümkün deyil"
Xəbər veridyimiz kimi, gələn ildə Arqentinanın paytaxtı Buenos-Ayresdə təşkil olunacaq Gənclər arasında Olimpiya Oyunlarına futzal üzrə 17 yaşadək oğlanlardan və qızlardan ibarət milli yığma komandalar arasında turnir də daxil edilib. Müvafiq yaş qrupuna aid oğlanlardan ibarət Azərbaycan yığması Slovakiyada meydan sahibləri ilə bərabər, Rusiya və Hollandiya milliləri ilə qarşılaşacaq. Sportfm.az saytı xəbər verir ki, səfərdən öncə baş məşqçi Fuad Rzayev hazırlıq və rəqiblərlə bağlı AFF-nın rəsmi facebook səhifəsinə müsahibə verib.
- Heyətə cəlb edilən oyunçular haqda məlumat verərdin.
- Hazırkı oyunçulardan cəmi 3-ü futzal komandalarından götürülüb. Onlar da II liqada çıxış edirlər. Əksər oyunçuları “İnter”, “Sumqayıt” və “Zirə” klublarından dəvət etdik. Seleksiya işi aparmaq, komandanı formalaşdırmaq üçün vaxtımız çox az oldu. Cəmi 1 ay ərzində bu işləri gördük. Əvvəlcə 30 oyunçunu məşqlərə cəlb etdik, yekunda isə 11 nəfəri komandada saxladıq. Səfərə 10 oyunçu – 2 qapıçı, 8 meydan oyunçusu – aparacağıq. Amma məşq prosesində zədələnmək ehtimalını nəzərə alıb, 1 nəfəri artıq saxladıq. Hazırkı heyətdə istedadlı uşaqlar var. İşə gec başlasaq da, özümüzü yaxşı tərəfdən göstərməyə çalışacağıq. Bu uşaqlardan gələcəkdə millinin formasını geyinənlər mütləq olacaq.
- Böyük futboldan cəlb edilənlər parketə uyğunlaşa bilirlərmi?
- Bir ay ərzində bu mərhələni adlamaq mümkün deyil. Amma fərdi qabiliyyətinə görə seçilən oyunçular da az deyil. Gün ərzində 2 saat məşq keçirdik ki, yaşıl meydanı parket örtüyə dəyişməyi bacarsınlar.
- Seçilən uşaqlarda futzal sevgisi var, yoxsa səfər eşqi ilə komandaya qoşulublar?
- Hər biri ilə fərdi söhbət etmişəm. Həqiqətən onlar üçün də maraqlıdır. Hətta bəziləri futbolu futzala dəyişmək istədiyini deyib. Məşq prosesi böyük futbolla müqayisədə çox fərqlənir.
- Səfəröncəsi iki yoxlama oyunu keçirdiniz. Bu qarşılaşmalarda komanda necə təsir bağışladı?
- İlk oyunda “Ulduz”la qarşılaşdıq. İkinci Liqada çıxış edən bu komandanın heyət üzvləri 6 ildi bir yerdə çıxış edir. Oyunun əvvəlində dərhal 2 top buraxdıq. Sonra toparlanmağı bacardıq və 7:2 hesabı ilə qalib gəldik. Səhvlərimiz var idi. Əsasən də müdafiədə boşluqlar verirdik. Gərək futzalda rəqibin üzərinə atılmayasan. Böyük futboldan qalma vərdişlərdi deyə, oyunda da bunu edirdilər. Sonra “Avanqard” komandası ilə qarşılaşdıq. İddialı komandalardan biridir. Bu matçdakı səhvlərimiz əvvəlki qarşılaşmadakı qədər olmadı. 3:1 hesabı ilə qələbə qazandıq. Hansı mövqelərimiz axsayır, bilirəm. Qalan vaxtlarda bunun üzərində işləyəcəyik.
- Rəqiblər haqda hansı informasiyaya sahibsiniz?
- İlk oyunda meydan sahiblərinə qarşı oynayacağıq. İki oyunlarına baxmışıq. Zəif deyillər, amma komandamızda fərdi planda seçilən oyunçular var ki, onların köməyi ilə bu dueldən qalib ayrılmaq mümkündür. Düzdü, futzalda müdafiə olunmaq var, hücuma keçmək var. Slovaklar bunu bilir, bizim futzalçılar isə yeni-yeni öyrənilər. Daha sonra Rusiya yığması ilə üz-üzə gələcəyik. Rusiya yığmasının üzvləri öz ölkəsinin çempionatında mütəmadi oynayırlar. Onlarda klubların ikinci, üçüncü komandaları var. Qrupumuzun ən iddialı komandası onlardır. Hollandiyanın oyununa baxmamışıq. Yeri gəlmişkən, hazırlıq müddətində əsas millinin baş məşqçisi Alesio və qapıçı Rövşən Hüseynli də məşq prosesində təcrübəsini bizimlə bölüşürdülər.
№ | Komanda | o | x |
1 | Qarabağ | 34 | 87 |
2 | Sabah | 33 | 77 |
3 | Neftçi | 34 | 62 |
4 | Qəbələ | 34 | 48 |
5 | Zirə | 34 | 46 |
6 | Turan | 34 | 38 |
7 | Kəpəz | 34 | 30 |
8 | Sumqayıt | 33 | 28 |
9 | Səbail | 34 | 25 |
10 | Şamaxı | 34 | 24 |
№ | Komanda | o | x |
1 | Araz-Naxçıvan | 13 | 37 |
2 | EKOL | 13 | 30 |
3 | Neftçi İK | 13 | 25 |
4 | Baku Fire | 13 | 22 |
5 | Record club.az | 13 | 12 |
6 | Alyans | 13 | 12 |
7 | U-19 | 13 | 9 |
8 | Xilə | 13 | 6 |
№ | Komanda | o | x |
1 | Araz Naxçıvan | 5 | 15 |
2 | MOİK | 5 | 11 |
3 | Turan Tovuz-2 | 4 | 9 |
4 | Qəbələ-2 | 5 | 9 |
5 | Neftçi-2 | 4 | 9 |
6 | Qarabağ-2 | 5 | 7 |
7 | Zirə-2 | 4 | 7 |
8 | Şamaxı-2 | 5 | 7 |
9 | Qaradağ Lökbatan | 5 | 6 |
10 | Mingəçevir | 5 | 6 |
11 | Səbail-2 | 4 | 6 |
12 | Zaqatala | 5 | 6 |
13 | Sumqayıt-2 | 4 | 3 |