Yeni mövsüm üçün heyətini gücləndirməyi planlaşdıran "Beşiktaş" klubu transfer çalışmalarına davam edir. 

Qol.az-ın Türkiyə mətbuatına istinadən verdiyi məlumata görə, İstanbul təmsilçisi "Deportivo"nun qapıçısı Fabrisio Aqostonu transfer etməyə çox yaxındır.

Artıq 28 yaşlı qolkiperlə razılıq əldə olunub və yaxın günlərdə onunla 3 illik müqavilə imzalanacağı gözlənilir.

Qeyd edək ki, 2013-cü ildən "Deportivo"da çıxış edən ispaniyalı qapıçı La Liqa təmsilçisinin heyətində 37 oyun keçirib.