Taekvando üzrə Qran-Pri turnirinin növbəti mərhələsi Mərakeşin paytaxtı Rabatda keçiriləcək.

Sportfm.az xəbər verir ki, avqustda Moskvada start verilən Qran-Prinin ikinci mərhələsi sentyabrın 22-24-də təşkil olunacaq. G4 kateqoriyalı beynəlxalq yarışda böyüklərdən ibarət milli yığma komandamızın üzvləri də iştirak edəcəklər.

Baş məşqçi Reza Mehmandoustun, böyük məşqçi Rəşad Əhmədovun və eləcə də qadınlardan ibarət yığma komandanın baş məşqçisi Elnur Amanovun rəhbərliyi ilə ölkəmizi təmsil edəcək səkkiz taekvondoçu artıq Rabat şəhərinə yollanıb.

Yarışda qalib gələn idmançı aktivinə 40, ikinci yerin sahibi 24, üçüncü yerə çıxanlar isə 14,4 reytinq xalı əlavə edəcəklər. Qran-Prinin sonrakı mərhələsi Londonda, final mərhələsi isə Kot-d'İvuarın paytaxtı Abicanda təşkil ediləcək.

Oxşar xəbərlər

"Şah" mat edə bilmədi

Yaponiya Qran-Prisində ölkəmizi 8 idmançı təmsil edəcək

Taekvondoçularımız beynəlxalq turnirdə səkkiz medal qazandı - FOTO

Taekvando üzrə yığmamız Kot-Divuarda Qran-Pri yarışlarında iştirak edəcək

Qran Prinin final mərhələsi və komandalararası dünya çempionatı Bakıda