Şimali Makedoniyanın paytaxtı Skopyedə keçirilən güləş üzrə U20 Avropa çempionatına yekun vurulub.
Sportfm.az xəbər verir ki, sərbəst güləş üzrə millimiz qitə birinciliyində tarixi uğura imza atıb.

Yığmamız 2 qızıl, 2 gümüş və 4 bürünc medal qazanıb və 170 xal toplayaraq komanda hesabında Rusiyadan (194) sonra ikinci yeri tutub. Ermənistan (118) isə üçüncü pillədə qərarlaşıb.

Millimiz bu nəticəylə 2 rekordu yeniləyib. Belə ki, gənclərdən ibarət komandamız medalların sayına və topladığı xala görə özünün ən yaxşı nəticəsinə imza atıb.

Xatırladaq ki, böyük məşqçi Əşrəf Əliyev, məşqçilər Rövşən Hacıyev, Nazim Əlicanov və Əsgərxan Novruzovun rəhbərliyi altında Hacı Kərimov (70 kq) və Yusif Dursunov (125 kq) qızıl, Camal Abbasovla (61 kq) Nurlan Ağazadə (74 kq) gümüş, Muhəmməd İsmayılov (57 kq), Bəşir Verdiyev (65 kq), Məhəmməd Abbaszadə (86 kq) və Fərhad Süleymanlı (97 kq) isə bürünc medal qazanıb.

Oxşar xəbərlər

Millimiz Avropa üçüncüsüdür - Uğur

Yığmamız 6-cı dəfə Avropa çempionu oldu

Millimiz Avropa ikincisi oldu

Sərbəst güləş milimiz Avropa 3-cüsü oldu - UĞUR

Millimizdən tarixi uğur - Dünya çempionu oldular