Bakı Metropoliteni iyulun 9-da UEFA Avropa Liqasının 1-ci təsnifat mərhələsində keçiriləcək "Qarabağ" - "Vestri" (İslandiya) oyunu ilə əlaqədar iş rejimini dəyişdirəcək.
Sportfm.az xəbər verir ki, bu haqda qurumun mətbuat xidməti məlumat yayıb.

Tofiq Bəhramov adına Respublika Stadionunun yaxınlıqda yerləşən “Gənclik” stansiyası "Bakı Metropoliteni" QSC-nin kütləvi tədbirlərlə əlaqədar əməliyyat planına uyğun olaraq, gücləndirilmiş rejimdə fəaliyyət göstərəcək. Qarşılaşmaya maraq, həmçinin sərnişinlərin təhlükəsiz və rahat daşınması nəzərə alınaraq, stansiya əlavə nəzarət mexanizmləri ilə təmin olunacaq. Bu məqsədlə növbətçilik cədvəli tərtib edilməklə köməkçi işçi qüvvəsi cəlb olunacaq. Əsas diqqət sərnişinlərin, xüsusilə matçdan sonra, stansiyada hərəkət istiqamətini rahat müəyyən etməsinə yönəldiləcək, həmçinin, “Nərimanov” və “28 May” stansiyalarında da ehtiyat tədbirləri görüləcək.

Qatarlar gün ərzində yay qrafikinin iş günləri cədvəli əsasında hərəkət edəcək. Zərurət yaranarsa, ehtiyat qatarlar xəttə buraxılacaq. Qarşılaşma başa çatandan sonra qatarların hərəkəti “Gənclik” stansiyasının iş rejimi nəzərə alınmaqla xüsusi qaydada tənzimlənəcək.

Oxşar xəbərlər

“Bakı Metropoliteni” “Qarabağ”a görə iş rejimini dəyişdi

Bu gün metro gücləndirilmiş rejimdə işləyəcək

Bakı metrosu gücləndirilmiş iş rejiminə keçəcək - "Qarabağ"a görə

Bakı metrosu gücləndirilmiş iş rejiminə keçəcək - "Qarabağ"a görə

Bakı metrosu gücləndirilmiş rejimdə işləyəcək