“Qarabağ”ın 2026/2027 mövsümünə hazırlıq planı bəlli olub.
Sportfm.az xəbər verir ki, sabah, iyunun 10-da Bakıda bir araya gələcək komandamız hazırlığın ilk mərhələsini paytaxtda keçəcək. Bu mərhələ iyunun 22-dək davam edəcək.
“Qarabağ” iyunun 22-də Avstriyaya yollanacaq. Komandamız hazırlığın ikinci mərhələsini Tirol əyalətində keçirəcək. Avstriya toplanışı iyulun 2-dək davam edəcək.
Təlim-məşq toplanışı çərçivəsində üç yoxlama oyununun keçirilməsi nəzərdə tutulub. Komandamız iyunun 27-də Bolqarıstanın ÇSKA (Sofiya) klubu ilə qarşılaşacaq. Görüş yerli vaxtla saat 17:00-da (Bakı vaxtı ilə saat 19:00) başlayacaq.
“Qarabağ” iyulun 1-də iki görüşə çixacaq. Komandamız toplanışda ikinci yoxlama matçını iyulun 1-də Ukraynanın “Metallist” komandasına qarşı keçirəcək. Oyun yerli vaxtla saat 13:00-da (Bakı vaxtı ilə saat 15:00) start götürəcək. Avstriya hazırlığında son rəqib "Ferentsvaroş" olacaq. Macarıstan təmsilçisi ilə qarşılaşma yerli vaxtla saat 18:00-da (Bakı vaxtı ilə saat 20:00-da başlayacaq.

Oxşar xəbərlər

"Qarabağ" ilk məşqinə çıxdı - FOTO

"Qarabağ" Avstriyaya yola düşdü - FOTO

“Qarabağ” “Tvente” ilə qarşılaşacaq

"Qarabağ"ın hazırlıq planı müəyyən oldu

“Sabah”ın yay hazırlıq planı bilindi