Urfan Abbasov Premyer Liqada 350-ci oyununu keçirib.

Sportfm.az PFL-in saytına istinadən xəbər verir ki, “Araz-Naxçıvan”ın kapitanının yubileyi “Sumqayıt”la səfər matçına (1:2) təsadüf edib. O, Misli Premyer Liqasının XXXI turunun görüşünə start heyətində çıxıb.

Abbasov 350 oyunda 8 qola imza atıb. Debütü 2011/12 mövsümünə təsadüf edən futbolçu üç klubun formasını geyinib. O, “Qəbələ”də 248 (5 qol), “Səbail”də 47 (2 qol) və “Araz-Naxçıvan”da 55 (1 qol) oyun keçirib.

Urfan Azərbaycan çempionatları tarixinə yüksək dəstədə 350 və daha çox oyun keçirən 14-cü futbolçu kimi düşüb. O, 2025/26 mövsümündə adı sifariş vərəqində olmuş oyunçular arasında 3-cü göstəriciyə malikdir. “Qəbələ”nin futbolçusu Asif Məmmədov 388, karyerasını mövsümün gedişində “Araz-Naxçıvan”da bitirən Qara Qarayev 360 matçın iştirakçısı olub.

Oxşar xəbərlər

“Sumqayıt”ın futbolçusu 100-cü oyununu keçirdi

100-cü oyununu keçirdi - "Kəpəz"in futbolçusu

Santosun Premyer Liqamızda 100-cü oyunu

“Araz-Naxçıvan”ın futbolçusu 300-cü oyuna çıxdı

Premyer Liqada 100-cü oyununu keçirdi