Nigeriya millisinin daha bir eks çalışdırıcısı dünyasını dəyişib. Goal.az xəbər verir ki, Şaibu Amodu 58 yaşında yuxuda olarkən vəfat edib. O, son vaxtlar texniki direktor kimi işləyirdi. Amodu bir neçə dəfə Nigeriya millisinə rəhbərlik edib. 2002 və 2010-cu illərdə "superqartallar"ı dünya çempionatının final mərhələsinə çıxarıb. O, milli komandanı iki dəfə mundiala çıxaran yeganə məşqçi kimi Nigeriyanın futbol tarixinə düşüb.

Qeyd edək ki, bir neçə gün öncə Nigeriyanı 2014 mundialına çıxaran və 2013-cü il Afrika Millətlər kubokunun qalibi edən Stiven Keşi də ürək tutmasından dünyasını dəyişmişdi.