Azərbaycan cüdoçusu Zelim Tçkayev (81 kq) Gürcüstanın paytaxtı Tbilisidə keçirilən Avropa çempionatında bürünc medal qazanıb.

Sportfm.az xəbər verir ki, idmançı üçüncü yer uğrunda görüşdə belçikalı Mattias Kasseyə qalib gəlib.

Bununla da, Tçkayev fəxri kürsünün üçüncü pilləsinə qalxıb.

Avropa çempionatı aprelin 19-da başa çatacaq. Daha əvvəl Hidayət Heydərov (73 kq) gümüş, Əhməd Yusifov (60 kq) və Turan Bayramov (66 kq) bürünc medal qazanıblar.

Bu gün mübarizəyə qoşulan digər təmsilçilərimizdən Südabə Ağayeva (70 kq) 1/8 finalda Szofi Ozbas (Macarıstan), eyni mərhələdə Ömər Rəcəbli (81 kq) Vasiliye Qrujiçiç (Serbiya) və Murad Fətiyev (90 kq) 1/16 finalda Aleks Çretə (Rumıniya) uduzaraq yarışı mükafatsız başa vurublar.

Oxşar xəbərlər

Hidayət Heydərov finalda uduzdu - Avropa çempionatı

Hidayət Heydərov finalda - Avropa çempionatı

Hidayət “bürünc” uğrunda görüşə çıxacaq - Böyük Dəbilqə

Daha iki cüdoçumuzdan bürünc medal - Avropa çempionatı

İki cüdoçumuz üçün bürünc medal şansı - Avropa çempionatı