AFFA, “CBC Sport” və “İdman TV” birgə bəyanat yayıblar.
Sportfm.az xəbər verir ki, bu barədə AFFA-nın saytında məlumat yer alıb.

Qurumların birgə bəyanatında bildirilib ki, 22-ci turdan başlayaraq Misli Premyer Liqasının matçları "CBC Sport"la yanaşı, "İdman TV"də də yayımlanacaq. Belə ki, hər turdan 1 matç "İdman TV" vasitəsi ilə nümayiş etdiriləcək:

"Azərbaycan Futbol Federasiyaları Assosiasiyası ölkənin ali futbol qurumu olaraq, futbolun kütləviliyinin artırılmasını, dünyada bir nömrəli idman növünün daha geniş auditoriyaya çatdırılmasını və yayım keyfiyyətinin yüksəldilməsini hər zaman prioritet vəzifə hesab edib. Bu mənada əsas diqqət mərkəzində daim ölkə çempionatı dayanıb.

Misli Premyer Liqasının yayım coğrafiyasını genişləndirmək məqsədilə AFFA turnirin eksklüziv yayımçısı “CBC Sport” və ölkənin ilk idman telekanalı olan “İdman TV” rəhbərliyi ilə müzakirələr aparıb. Danışıqların nəticəsi olaraq qərara alınıb ki, bu mövsümdən etibarən Misli Premyer Liqasının hər turundan bir qarşılaşma “CBC Sport”la paralel olaraq “İdman TV” vasitəsilə də canlı yayımlansın. Yeni əməkdaşlıq çərçivəsində ilk yayımın 22-ci turda keçiriləcək “Qarabağ” – “Sabah” matçı olması nəzərdə tutulur".

Oxşar xəbərlər

"İdman TV" Premyer Liqa oyununu yayımlayacaq

Günün canlı yayımlanacaq qarşılaşmaları - TV AFİŞA

Günün canlı yayımlanacaq qarşılaşmaları - TV AFİŞA

Günün canlı yayımlanacaq matçları - TV AFİŞA

Günün canlı yayımlanacaq qarşılaşmaları - Tv afişa