Afrika Millətlər Kubokunda 1/8 final mərhələsinin oyunları davam edir.

Sportfm.az xəbər verir ki, turnirin favoritlərindən olan Misir millisi Beninlə qarşılaşıb.

Görüşün iştirakçıları arasında “Neftçi”nin yarımmüdafiəçisi Sessi D`Almeyda da olub. Benin yığmasının start heyətində yer alan yarımmüdafiəçi 77-ci dəqiqədə Attidjikou Samadou ilə əvəzlənib. “Sumqayıt”dan Benin millisinə dəvət alan Abdul Raşid Mumini isə cəzalı olduğu üçün görüşü kənardan izləyib.

Görüşün əsas vaxtında qalib aşkarlanmayıb - 1:1. Əlavə vaxtda daha üstün olan Misir 1/4 finala adlayıb.

Misir - Benin - 3:1
Qollar: Attia, 69 (1:0), Dossou, 83 (1:1), İbrahim, 97 (2:1), Salah, 120+4 (3:1)

Bununla da Benin millisi qitə kubokunda çıxışını başa vurub. Misir isə 1/4 finalda Nigeriya - Mozambik cütünün qalibi ilə üz-üzə gələcək.

Oxşar xəbərlər

"Neftçi"nin futbolçusu Afrikada zədələndi

"Sumqayıt" və "Neftçi"nin futbolçuları Millətlər Kubokunda oynadı

"Sumqayıt"ın legioneri milliyə dəvət aldı

"Qarabağ"ın futbolçusu Misirə qarşı oynadı - Afrika Millətlər Kuboku

1/8 finalın cütlükləri müəyyənləşdi - Afrika Millətlər Kuboku