Türkiyə 2-ci liqa təmsilçilərinin qarşılaşmasında nadir futbol hadisəsi baş verib.

Sportfm.az xəbər verir ki, Türkiyə mətbuatının məlumatına görə, 2-ci liqanın 14-cü turu çərçivəsində nəzərdə tutulan “Yeni Malatyaspor” – “İsparta 32 Spor” matçı başlamadan təxirə salınıb. Buna səbəb meydan sahiblərinin heyətə kifayət qədər oyunçu toplaya bilməməsi olub.

Belə ki, Türkiyə Futbol Federasiyasının mərc oyunları ilə bağlı apardığı istintaq çərçivəsində "Yeni Malatyaspor"un 7 futbolçusu cəzalandırılıb. Zədəli oyunçuların da olması səbəbindən komanda meydana cəmi 7 nəfərlə çıxmaq məcburiyyətində qalıb.

Klubun idman direktoru Sinan Alkış hakimlə görüşərək oyuna başlamaq üçün lazım olan 11 nəfərlik heyəti qura bilmədiklərini bildirib. Bundan sonra hakim matçın oynanılmayacağını elan edərək qarşılaşmanı ləğv edib.

Oxşar xəbərlər

600 futbolçu dindiriləcək - Türkiyə futbolu çalxalanır

17 hakim, 1 klub prezident həbs edildi - Türkiyə futbolu çalxalanır

Türkiyə klubu çempionatdan çəkildi

Türkiyə üçün qadağa - Qərar

"Qalatasaray"da ciddi itki