“Qalatasaray”ın baş məşqçisi Okan Buruk “Qarabağ”ın Çempionlar Liqasındakı uğurlu çıxışı haqda danışıb.

Sportfm.az xəbər verir ki, şərhçi Ertem Şenerin qonağı olan İstanbul klubunun çalışdırıcısı “Qarabağ”a qarşı keçirdikləri yoldaşlıq oyununu da xatırlayıb:

“Əvvəlcə Azərbaycana olan sevgimi bildirmək və onları “Zəfər günü” münasibətilə təbrik etmək istəyirəm. Meydandakı qələbələr vacibdir, amma meydandan kənarda daha da vacibdir. Qəlblərimiz həmişə azərbaycanlı qardaşlarımızla eyni hissləri bölüşür. Bu, həm Qurban Qurbanova, həm də “Qarabağ”a aiddir. Hazırda Çempionlar Liqasında birlikdə oynayırıq, eyni hissləri bölüşürük. Onlar bizim oyunlarımızı izləyir, biz də onların oyunlarını izləyirik. “Qarabağ”ın əla komandası var. Qurban Qurbanovu təbrik etmək istəyirəm. O, həqiqətən də, illərdir orada əla iş görür. Ona görə də, deyə bilərəm ki, komandanın hazırkı uğuru təsadüf deyil”.

Oxşar xəbərlər

Okan Buruk "Qalatasaray" azarkeşlərindən üzr istədi

“Beşiktaş” Qurban Qurbanovu istəyir

Okan Buruk tarix yazdı - UĞUR

“Qarabağ”ın prezidenti Qurban Qurbanovu təbrik etdi

Okan Buruk: “Zirə” ilə oyunda istədiyimiz nəticə qeydə alınmadı”