Türkiyənin "Fənərbaxça" klubunun baş məşqçisi postuna namizədlər müəyyənləşib.

Sportfm.az xəbər verir ki, İstanbul təmsilçisi Joze Mourinyonu istefaya göndərdikdən sonra bir neçə yerli və xarici mütəxəssislə danışıqlara başlamağı nəzərdən keçirir.

"Sarı-lacivərtlilər"in sükanı arxasına keçəcəyi ən çox gözlənilən baş məşqçi İsmail Kartaldır. Hazırda işsiz olan 64 yaşlı mütəxəssis 2022 və 2023-2024-cü illərdə "Fənərbaxça"nın baş məşqçisi olub. O, son olaraq İran "Persepolis"ini çalışdırıb.

Digər namizədlər arasında daha əvvəl komandaya rəhbərlik edən Aykut Kocaman (2010-2013 və 2017-2018-ci illərdə), klubun sabiq futbolçuları Volkan Dəmirəl və hazırda "Antalyaspor"un baş məşqçisi olan Emre Belözoğlu var. "Fənərbaxça"nın sükanı arxasına keçəcəyi gözlənilən digər namizəd isə 2020-2024-cü illərdə "Trabzonspor"u çalışdıran Abdullah Avcıdır.

Xaricilərdən isə Almaniya millisinin sabiq baş məşqçisi, 1998-1999-cu illərdə "Fənərbağça"da olan Yoahim Lövün, eləcə də ötən mövsümün sonunda İtaliya "Milan"ından ayrılan Serxio Konseysaunun adı çəkilir.

Qeyd edək ki, Joze Mourinyo 2024-cü ilin yayından "Fənərbaxça"da idi.

Oxşar xəbərlər

"Fənərbaxça" Mourinyonu sonra qovdu

Emre sabiq komanda yoldaşını əvəz etdi - Təyinat

Joze Mourinyo əməliyyat olundu

"Fənərbaxça"nın sabiq oyunçusu Avstraliya klubunda

"Fənərbaxça"nın yeni baş məşqçisinin adı məlum oldu