Bolqarıstanın Samokov şəhərində güləş üzrə U20 dünya çempionatı davam edir.

Sportfm.az xəbər verir ki, yarışın beşinci günündə növbəti medal qazanılıb.

Ruzanna Məmmədova (62 kq) finalda çinli Yanqjen Yanqjenlə qarşılaşıb. İlk hissəni hücum üslubundan keçirən həmyerlimiz 6:0 hesablı üstünlük əldə edib. Ancaq fasilədən sonra rəqib geridönüş etməyi bacarıb. Yekunda sonuncu xal prinsipinə əsasən (6:6) məğlub olan Məmmədova gümüş medalı boynundan asıb.

Bununla da cari mundialda medallarımızın sayı 5-ə çatıb. Xatırladaq ki, daha öncə Vasif Bağırov (57 kq), Nurlan Ağazadə (70 kq), Yusif Dursunov (125 kq) və Günay Qurbanova (59 kq) bürünc medal qazanıb.

Oxşar xəbərlər

İdmançımız DÇ-də finala çıxdı

Anar Cəfərli yarımfinalda - Dünya çempionatı

Güləşçilərimiz üçün iki bürünc medal şansı

Güləşçimiz Avropa çempionu oldu

Elnurə Məmmədova Avropa çempionu oldu