“Napoli”nin hücumçusu Viktor Osimhenin “Qalatasaray”a mümkün transferi gözlənilməz çətinliklərlə üzləşib.

Sportfm.az xəbər verir ki, Türkiyə klubu nigeriyalı oyunçunun transferi üçün tələb olunan 75 milyon avronu hissə-hissə və uzunmüddətli ödənişlə verməyə hazır olduğunu bildirsə də, bu təklif Neapol klubunu qane etməyib.

“Napoli” rəhbərliyi “Qalatasaray”dan bank zəmanəti və birdəfəlik ilkin ödəniş tələb edib. Ancaq bu tələblər qarşılanmadığı üçün İtaliya klubu danışıqları dayandırmağa məcbur olub.

Hazırda yalnız Səudiyyə Ərəbistanının “Əl-Hilal” klubu Osimhenin müqaviləsindəki 75 milyon avroluq sərbəstqalma maddəsini birbaşa ödəməyə hazırdır. O isə Səudiyyə Ərəbistanı klubuna keçmək istəmir və məhz “Qalatasaray”da oynamaq niyyətindədir.

Beləliklə, 26 yaşlı forvardın gələcəyi ilə bağlı qeyri-müəyyənlik davam edir.

Oxşar xəbərlər

Osimhenə Səudiyyə Ərəbistanından təklif gəldi

Onu almaq üçün bir araya gəldilər - Toplantı

Osimhen ərəblərin təklifini rədd etdi

Türkiyə klubu 65 milyonundan keçməyə hazırdı

150 milyon avroluq tələb