İqtisadiyyat Nazirliyinin strukturuna daxil olan və tabeliyindəki qurumları arasında Ümummilli Lider Heydər Əliyevin xatirəsinə həsr olunmuş mini-futbol turniri başa çatıb.

Yarış Azərbaycan Respublikası Prezidentinin Sərəncamı ilə elan edilmiş “Konstitusiya və Suverenlik İli” çərçivəsində nazirliyin Birləşmiş Həmkarlar İttifaqı Komitəsinin təşkilatçılığı ilə keçirilib.

May ayından start verilmiş turnirdə 28 komanda mübarizə aparıb. Final oyununda "Azərlotereya" komandası Kiçik və Orta Biznesin İnkişafı Agentliyinin (KOBİA) komandasına 2:1 hesabı ilə qalib gələrək çempionluğu qazanıb. Bakı Şəhəri Lokal Gəlirlər Baş İdarəsinin (Lokal) komandası isə 3-cü yerə layiq görülüb.

Çempionatın ən yaxşı oyunçusu Əbülfət Abbasov və ən yaxşı qapıçısı Baba Qafarov da “Azərlotereya” komandasından seçilib. Sonda qalib komandaya kubok təqdim edilib.

Oxşar xəbərlər

Tələbələr arasında turnir keçirildi

Heydər Əliyevin xatirəsinə həsr edilmiş turnirin qalibi bilindi

FHN əməkdaşları da futbol oynadı - FOTO

Futzal üzrə ənənəvi birincilik yekunlaşdı

Azərbaycan Kooperasiya Universitetinin komandası mini futbol turnirinin qalibi oldu - FOTO