Azərbaycan Premyer Liqasında XXXVI tura start verilib.

Sportfm.az xəbər verir ki, son turun açılış matçında "Səbail" "Sumqayıt"ı qəbul edib.

"ASCO Arena"da keçirilmiş görüş qonaq komandanın böyük hesablı qələbəsi ilə yekunlaşıb - 4:1.

Hesabı 21-ci dəqiqədə meydan sahiblərinin legioneri Suleyman Alluş açıb. Bundan cəmi 7 dəqiqə sonra Sertan Taşkın bərabərlik qolunu vurub.

59-cu dəqiqədə Giorgi Karaişvili penaltini panenka zərbəsi ilə yerinə yetirərək, "Sumqayıt"ı hesabda önə çıxarıb. 79-cu dəqiqədə Ronaldo Vaskes komandasının üçüncü qolunu vurub. Oyunda son nöqtəni isə 90+1-ci dəqiqədə Roy Kehat qoyub. "Gənclik şəhəri təmsilçisi"nin ən məhsuldar oyunçusu olan israilli legioner bu mövsüm Premyer Liqada 6-cı qolunu vurub.

Beləliklə, bu qələbə sayəsində xallarını 33-ə çatdıran "Sumqayıt" 8-ci pilləyə yüksəlib. "Səbail" isə 22 xalla 10-cu pillədədir və Premyer Liqanı tərk edib.

Qeyd edək ki, turun qalan oyunları 24 - 25 mayda keçiriləcək.

Oxşar xəbərlər

Sertan Taşkın oynadı, komandası bərabərə qaldı - Birinci Liqa

"Zirə" əsas rəqibinə uduzdu, "Neftçi" qalib gəldi - Premyer Liqa

"Qarabağ" paytaxt klubuna 5 qol vurdu - Premyer Liqa

Ronaldo üçün yeni hədd - 200 oyun

"Neftçi" "Səbail"lə bərabərə qaldı