Moldova Futbol Federasiyasının prezidenti Pavel Çebanu "Qarabağ"-"Şerif" dueli ilə bağlı açıqlama verib.

Sportfm.az xəbər verir ki, yerli mətbuata müsahibəsində Çebanu Çempionlar Liqasında mübarizəni davam etdirməyə "Şerif”in layiq olduğunu bildirib. O, baş məşqçi Roberto Bordinin intizamlı komanda qurmağa çalışdığını qeyd edib:

"Kukesi” ilə oyunlarda "Şerif"in zəif çıxış etdiyini deyə bilmərəm. "Şerif” "Qarabağ”dan güclüdür və Çempionlar Liqasında mübarizəni davam etdirməlidir. Lakin futbolda hər şey ola bilər. Növbəti mərhələyə hər zaman güclü komanda vəsiqə qazanmır”.