FİFA-nın prezidenti Caninni İnfantinonun ABŞ prezidenti Donald Trampın Yaxın Şərqə səfərinə qoşulması səbəbindən qurumun Konqresinə gecikməsi narazılığa səbəb olub.
Sportfm.az xəbər verir ki, Avropa futbolunun rəhbərliyi İnfantinonun bu addımını tənqid edib.

Qurumun yaydığı bəyanatda bildirilir ki, FİFA Konqresinin proqramında son dəqiqə dəyişiklikləri dərin narahatlıq doğurur:

"FİFA Konqresi futbolun ən vacib tədbirlərindən biridir. Burada dünyanın 211 ölkəsinin nümayəndələri toplaşır və bütün dünyada idmana təsir edən məsələləri müzakirə edirlər.

Tədbiən ev sahibliyi edən Paraqvay Futbol Federasiyası və KONMEBOL-la olan tərəfdaşlarımız çoxsaylı nümayəndələri qəbul etmək üçün əhəmiyyətli səylər göstərdilər və onlara qonaqpərvərlikləri üçün təşəkkür edirik. Lakin son dəqiqə proqram dəyişikliyi şəxsi siyasi maraqlara xidmət etmək məqsədi daşıyır və oyuna heç bir fayda gətirmir, futbolu ikinci plana atır.

Hər birimiz futbol sahəsində çalışırıq - küçələrdən tribunaya qədər. UEFA və FİFA Şurasının üzvləri bu dəfə oyunun ilk sırada olduğunu vurğulamaq və əvvəlcədən planlaşdırıldığı kimi yola davam etmək zərurətini hiss etdilər".

Oxşar xəbərlər

FİFA prezidenti İlham Əliyevə təşəkkür etdi

FIFA rəhbəri 2,69 milyon maaş alır

Blatter Canni İnfantinonu tənqid etdi - "Futbolu nəhəng pul maşınına çevirmək istəyir"

İnfantino yenidən FIFA prezidenti seçildi

FİFA-nın başçısı vəzifəsinə yeganə namizəd - FOTO