Rusiyalı taekvondoçu Maksim Xramtsov beynəlxalq turnirlərdə neytral statusla mübarizədən imtina edib.

Sportfm.az xəbər verir ki, 27 yaşlı idmançı bunu absurt və qeyri-ədalətli situasiya adlandırıb.

"Bugünkü mövqeyim belədir: beynəlxalq arenada neytral bayraq altında çıxış etməyəcəyəm", - deyə Xramtsov bildirib. Onun sözlərinə görə, belə şərtlərlə mübarizə məsuliyyəti bölüşməsinə və öz ölkəsinin dəstəyini hiss etməsinə imkan vermir.

Qeyd edək ki, Maksim Xramtsov 2017-ci ildə 74 kq çəki dərəcəsində dünya çempionu olub. O, 2018 və 2021-ci illərdə Avropa çempionluğunu və Tokio-2020 Yay Olimpiya Oyunlarında qızıl medalı 80 kq çəkidə qazanıb.

2023-cü ilin martında Beynəlxalq Olimpiya Komitəsi Ukrayna ilə müharibəyə rəsmən dəstək verməyən və hərbi strukturlarla əlaqəsi olmayan rusiyalı idmançıları yarışlara buraxmağı federiyalara tövsiyə edib.

Oxşar xəbərlər

Rusiyanın idmançıları olimpiadadan imtina etdi

Rusiya millisi Bakıda - Dünya çempionatı

Rus idmançılar üçün çətin seçim - Məsələyə baxılacaq

Rusiya və Belarus idmançıları beynəlxalq yarışlardan imtina etdi

Rusiya 208 idmançı ilə Olimpiadaya qatılacaq - Neytral bayraq altında