Türkiyənin Antalya şəhərində keçiriləcək “Junior World Cup” turnirində iştirak edəcək “Qarabağ”ın U-15 komandası bir gündə 3 oyuna çıxacaq.

Sportfm.az xəbər verir ki, bu barədə Ağdam təmsilçisinin mətbuat xidməti məlumat yayıb.

Rauf Əliyevin yetirmələri B qrupunda yer alacaq. Aprelin 17-də “Titanic Football Center”də keçiriləcək qrup mərhələsində komanda 3 matça çıxacaq. “Qarabağ” saat 9:00-da “Fulhem”, 14:00-da “Qaziemir Gündoğan”, 18:00-da isə “Muratlı Yıldızspor”la görüşəcək.

Yarışda “Qarabağ”la yanaşı, daha bir neçə məşhur klub kubok uğrunda mübarizəyə qoşulacaq. Onların arasında “Fulhem” (İngiltərə), “Ştutqart” (Almaniya), “Rayo Valyekano” (İspaniya), “Srvena Zvezda” (Serbiya), “Lex” (Polşa), “Aspire Akademi” (Qətər) və “Dinamo” (Tiflis, Gürcüstan) yer alıb.

“Qarabağ” səfərə 18 futbolçu ilə yollanacaq. Baş məşqçi Rauf Əliyevin rəhbərlik etdiyi komandada Cəfər Rəhmanov, Oktay Mehrəliyev, Yüzarsif Mehdiyev, Vaqif Nəbiyev, Roman Fərzəli, Arda Əzizli, İbrahim Sadıqlı, Davud Abdullayev, Xalid Hüseynov, Əhəd Hacızadə, Murad İsmayılov, Ömər Fətəliyev, Məhəmməd Məmmədov, Cavidan Əlizadə, Daniil Rəcəbov, Yunis İsmayılov, Samir Həsənov və Tunar Əsgərzadə yer alacaq.

“Junior World Cup”da 24 komanda mübarizə aparacaq.

Oxşar xəbərlər

"Neftçi" "Qarabağ"la matça itkilərlə çıxacaq

"Səbail" "Qarabağ"la oyuna itkilərlə çıxacaq

Millimiz UEFA İnkişaf Turnirində iştirak edəcək

Rauf Əliyev "Qarabağ"da baş məşqçi təyin edildi

İspaniya klubunun futbolçuları yığma komandamızda