Yeniyetmələrin Avropa çempionatı yeni qaydalarla keçiriləcək

24-30 iyul 2017-ci il tarixdə Bosniya və Hersoqovinanın paytaxtı Sarayevoda yeniyetmə güləşçilər arasında Avropa çempionatı keçiriləcək. Yarışda hər 3 güləş növü üzrə Azərbaycan idmançıları da iştirak edəcək.

Sportfm.az xəbər verir ki, bu çempionatı digərlərindən fərqləndirən ən önəmli məqam odur ki, yarış qaydalarında edilən bəzi dəyişikliklər burada test ediləcək. Məlum olduğu kimi, növbəti ildən etibarən qitə və dünya çempionatlarında çəki dərəcələri üzrə yarış günlərinin bir gündən iki günə artırılması nəzərdə tutulur. Belə ki, proqrama əsasən ilkin görüşlər (yarımfinal görüşü də daxil olmaqla) ilk yarış günündə, təsəlliverici və medal görüşləri isə növbəti yarış günündə baş tutacaq. İdmançılar isə hər iki yarış günündə çəki prosesinə cəlb ediləcək. İlk yarış günündə idmançılar mübarizə apardıqları çəkidə güləşsə də, ikinci yarış günündə onlara normadan 2 kq artıq çəkidə güləşməyə icazə veriləcək.

Proqrama əsasən, iyulun 24-26-da sərbəst güləşçilər arasında qaliblər müəyyənləşəcək. Böyük məşqçi Əsgərxan Novruzov və məşqçi Vahid Məmmədovun rəhbərliyi altında Avropa çempionatının medalları uğrunda Tofiq Əliyev (42 kq), Əşrəf Kərimzadə (46 kq), Ramiz Həsənov (50 kq), Əsgər Məmmədəliyev (54 kq), Turan Bayramov (58 kq), Hacımurad Hacıyev (63 kq), Davud İbrahimov (69 kq), Abdulmuslim Məmmədov (76 kq), Sənan Əlizadə (85 kq) və Hamlet Nəsibli (100 kq) mübarizə aparacaq.

İyulun 26-28-də böyük məşqçi Nazim Əlicanov və məşqçi Həsrət Məmmədyarovun başçılığı altında 8 qız güləşçimiz – Şəhanə Nəzərova (38 kq), Ayşən Yusifova (40 kq), Yasəmən Məcidli (43 kq), Aynur Camalova (46 kq), Birgül Soltanova (49 kq), Elnurə Məmmədova (52 kq), Jalə Əliyeva (56 kq) və Alina Zakoyeva (60 kq) çempion adı uğrunda yarışacaq.

Və nəhayət, son 3 yarış günü, yəni iyulun 28-30-da yunan-Roma güləşçiləri arasında qaliblər müəyyənləşəcək. Böyük məşqçi Bəhram Mürvətov və məşqçi Fuad Alıyev rəhbərlik etdiyi heyətdə Həzrət Cəfərov (42 kq), Zaur Əliyev (46 kq), Əsgər Əlizadə (50 kq), Nurağa Yusifli (54 kq), Həsən Məmmədli (58 kq), Vəfadar Cəfərov (63 kq), Asim İmanzadə (69 kq), Fikrət Vəliyev (76 kq), Rüfət Məmmədov (85 kq) və Sərxan Məmmədov (100 kq) yer alıb.

№	Komanda	o	x
1	Qarabağ	27	66
2	Neftçi	27	50
3	Zirə	27	46
4	Qəbələ	27	44
5	Sabah	27	40
6	Şamaxı	27	21
7	Sumqayıt	27	19
8	Səbail	27	15

№	Komanda	o	x
1	Araz-Naxçıvan	13	37
2	EKOL	13	30
3	Neftçi İK	13	25
4	Baku Fire	13	22
5	Record club.az	13	12
6	Alyans	13	12
7	U-19	13	9
8	Xilə	13	6

№	Komanda	o	x
1	Qaradağ Lökbatan	24	55
2	Şamaxı-2	24	44
3	Qarabağ-2	24	42
4	Sabah-2	24	39
5	Neftçi-2	24	38
6	MOİK	24	36
7	Kəpəz	24	36
8	Zaqatala	24	33
9	Qəbələ-2	24	33
10	Turan Tovuz	24	33
11	Sumqayıt-2	24	20
12	Səbail-2	24	15
13	Zirə-2	24	12