Azərbaycan boksçuları Bolqarıstanın paytaxtı Sofiyada keçirilən beynəlxalq “Strandja” turnirində 1/4 finala yüksəlib.
Sportfm.az xəbər verir ki, Mirşərif Kazımzadə (75 kq) irlandiyalı Qavin Rafferti ilə döyüşüb.

Görüş boksçumuzun 5:0 (30:27, 29:28, 29:28, 30:27, 29:27) hesablı qələbəsi ilə başa çatıb. Kazımzadə 1/4 finalda Cavohir Ummataliyevlə (Özbəkistan) üz-üzə gələcək.

Sərxan Əliyev (71 kq) 1/8 finalda Əsgərxan Madiyevlə (Gürcüstan) qarşılaşmalı olsa da, rəqib döyüşə gəlməyib. Boksçumuz ikinci döyüşündə Farux Toxtassunovu (Qazaxıstan) sınağa çəkəcək.

Turnirə martın 2-də yekun vurulacaq.

Oxşar xəbərlər

Daha bir boksçumuz finalda

Azərbaycanın boksçuları 1/4 finalda - Avropa çempionatı

Boksçumuz 1/4 finalda - Lisenziya turniri

Boksçularımız Avropa kubokunun yarımfinalında

Boksçularımız 1/4 finalda - Avropa kuboku