Monteneqronun Budva şəhərində boks üzrə Avropa kuboku davam edir.

Sportfm.az xəbər verir ki, 29 ölkədən 156 idmançının qatıldığı yarışın dördüncü günündə Azərbaycan millisinin daha 2 üzvü qələbə qazanıb.

İlk görüşündə Bartumey Roskovici (Polşa) mübarizədən kənarlaşdıran Malik Həsənov (63,5 kq) 1/4 finalda fransalı Lounes Hamraouini sınağa çəkib. Gərgin keçən qarşılaşma boksçu inamlı qələbəsi ilə başa çatıb. Həsənov yarımfinala yüksəlməklə özü üçün azı bürünc medalı da təmin edib. Malik 3-cü döyüşündə israilli Ahmat Ştivi ilə üz-üzə gələcək.

75 kq-da Mirşərif Kazımzadə də yarımfinala yüksəlməklə özü üçün ən azı 3-cü yeri təmin edib. O,1/4 finalda Qabriel Debaniçə (Xorvatiya) qalib gəlib. Mirşərif döyüşü 5:0 (30:27, 30:27, 30:27, 29:28, 29:28) hesabı ilə aktivinə yazıb. Kazımzadə finala gedən yolda rusiyalı Cambulat Bijamovla münasibətinə aydınlıq gətirəcək.

Yarımfinal görüşləri oktyabrın 13-də olacaq.

Qeyd edək ki, Avropa kubokunun 5-ci günündə Azərbaycan millisinin 3 boksçusu rinqə çıxacaq. Tayfur Əliyev (60 kq) Arşak Tovmasyanla (Rusiya), Nəbi İsgəndərov (67 kq) Canluici Malanqa (İtaliya) ilə və Sərxan Əliyev (71 kq) Miroslav Kapulerlə (İsrail) gücünü yoxlayacaq.

Oxşar xəbərlər

Boksçularımız beynəlxalq turnirdə mərhələ adladı

5 boksçumuz yarımfinalda - Avropa çempionatı

Azərbaycan millisindən 5 medal - Avropa Kuboku

Boksçumuz Avropa kubokunun finalında

Boksçularımız 1/4 finalda - Avropa kuboku