Avropa Voleybol Konfederasiyasının (CEV) rəsmiləri 2026-cı ildə keçiriləcək Avropa çempionatı üçün Bakıya səfər ediblər.

Sportfm.az xəbər verir ki, bu barədə Azərbaycan Voleybol Federasiyasının mətbuat xidmətindən məlumat verilib.

Təşkilat Komitəsinin nümayəndələri və yayım hüququna malik CEV-in tərəfdaşı olan “İnfort” şirkətinin əməkdaşları hazırlıq işləri ilə tanış olmaq üçün paytaxta gəliblər.

Səfər çərçivəsində qarşılaşmaların keçiriləcəyi Milli Gimnastika Arenasına və voleybolçuların yerləşdiriləcəyi hotellərə baxış keçirilib, həmçinin bir sıra digər təşkilati məsələlər müzakirə olunub.

Avropa çempionatının bir qrupunun oyunları Bakıdakı Milli Gimnastika Arenasında təşkil olunacaq. Yarış 21 avqust-6 sentyabr aralığında təşkil olunacaq. AÇ-2026-da ümumilikdə Avropanın 24 ən yaxşı komandası dörd qrupda mübarizə aparacaq. Digər qruplara Çexiya, İsveç və Türkiyə ev sahibliyi edəcək.

Oxşar xəbərlər

Avropa çempionatı yenidən Azərbaycanda

70 nəfərlik heyət Bakıya gəldi - Avro-2020 üçün

İki Avropa çempionatı Azərbaycanda

Avropa çempionatı öncəsi test oyunu keçirildi

Avropa Voleybol Təşkilatının vitse-prezidentləri Bakıda