AFFA I Liqa klubu "Difai"yə texniki məğlubiyyət verib.
Sportfm.az xəbər verir ki, bu barədə qurumun İntizam Komitəsinin iclasında qərar qəbul olunub.

"Difai"nin cəzalanmasına XI turun MOİK-lə matçının 90+3-cü dəqiqəsində adı protokolda olmayan futbolçunun meydana buraxılması səbəb olub. Bununla yanaşı, komanda 400 manat cərimələnib.

Texniki məğlubiyyətlə yanaşı, "Difai"nin iki futbolçusu da cəzalandırılıb. 73-cü dəqiqədə Seymur Əliyev ciddi qayda pozuntusuna görə birbaşa qırmızı vərəqə aldığı üçün 2 oyunluq diskvalifikasiya olunub. Bəşir Ayralov isə 63-cü dqiqədə ikinci sarıdan qırmızı vərəqə aldığına görə 1 oyun cəzalanıb. "Difai" həmçinin bu futbolçulara görə ümumilikdə 200 manat cərimələnib.

U-13 Liqasında çıxış edən "Qax 1967" komandasına da texniki məğlubiyyət verilib. Buna komandanın dekabrın 22-də keçirilməli olan "Kürmük"lə görüşdə təyin edilən vaxtda meydana çıxmaması səbəb olub.

Oxşar xəbərlər

AFFA “Karvan”ı çempionatdan kənarlaşdırdı

"Lerik"ə texniki məğlubiyyət verildi - QƏRAR

“Göygöl”ə texniki məğlubiyyət verildi - Qərar

2 komandaya texniki məğlubiyyət verildi - QƏRAR

Daha bir komandaya texniki məğlubiyyət verildi - QƏRAR