UEFA Türkiyənin "Başakşehir" klubunu cəzalandırıb.
Sportfm.az xəbər verir ki, buna Konfrans Liqasının Liqa mərhələsinin 2-ci turunun "Rapid"lə ev oyununda yaşananlar səbəb olub.

Sözügedən matçda "Başakşehir"in azarkeşləri meydana yad əşyalar atıblar. UEFA Superliqa təmsilçisini 8 min avro məbləğində cərimələyib. Həmçinin kluba Konfrans Liqasındakı növbəti ev oyununda tribunanın bir hissəsinin bağlanılması cəzası verilib.

Bu cəza "Başakşehir Fatih Terim" stadionunun Qərb bölgəsinin B blokunu əhatə edəcək. Bu sektora azarkeş buraxılmayacaq.

Qeyd edək ki, "Başakşehir" "Rapid"lə matçda 1:2 hesabı ilə uduzmuşdu. Komanda növbəti ev oyununu noyabrın 27-də "Petrokub"a qarşı keçirəcək.

Bunadək "Başakşehir" 3-cü turda "Kopenhagen"lə qarşılaşacaq.

Oxşar xəbərlər

Türkiyə klubu İstanbulda uduzdu - Konfrans Liqası

Superliqada bir neçə oyun təxirə salındı

Emre Belözoğlu "Başakşehir"dən ayrıldı - İstefa

"Başakşehir" "Gent"ə qarşı - Konfrans Liqası

Türkiyə klubundan Azərbaycana dəstək: "Yanındayıq, "Qarabağ!"