Gənclər və İdman Nazirliyi yanında İctimai Şuranın növbəti iclası keçirilib.
Sportfm.az xəbər verir ki, iclas İctimai Şuranın sədr, sədr müavini və katibinin seçilməsi ilə öz işinə başlayıb. Azərbaycan Cüdo Federasiyasının vitse-prezidenti Elnur Məmmədli İctimai Şuranın sədri, Dünya Azərbaycanlıları Gənclər Təşkilatının sədri Ramin Həbibzadə sədr müavini, Gənclərin Maarifləndirilməsinə Dəstək İB-in sədri Aynurə Salmanlı isə Şuranın katibi seçilib.

İclasın növbəti mərhələsində Şuranın reqlamenti və təsis edilməsi planlaşdırılan komitələrin əsasnamələri müzakirəyə çıxarılıb, həmçinin cari ay ərzində həyata keçirilməsi nəzərdə tutulan fəaliyyətlər Şura üzvlərinin qərarı ilə yekdilliklə təsdiqlənib.

İctimai Şuranın iclası başa çatdıqdan sonra Şura üzvləri Gənclər Təşkilatının Resurs Mərkəzinin iş prinsipi, həmçinin Resurs Mərkəzində fəaliyyət göstərən bir sıra gənclər təşkilatlarının, o cümlədən Gənclər Təşkilatları Milli Şurasının komandaları ilə tanış olublar.

Oxşar xəbərlər

Nazirlikdə İctimai Şura seçildi

Naxçıvan Futbol Federasiyasında yeni sədr

Karate Federasiyasının baş katibi yeni vəzifəyə təyin edildi

Avropa Gənclər Olimpiya Festivalının 2019-cu ildə Bakıda keçirilməsi ilə əlaqədar Təşkilat Komitəsi yaradıldı

Mehriban Əliyeva yüksək mükafata layiq görüldü - FOTO