Bu gün futzal üzrə Azərbaycan millisinin yeni baş məşqçisinin adına aydınlıq gələcək. 

Sportfm.az saytı xəbər verir ki, Biro Jadedən boşalan kürsüyə yığmamızın sabiq çalışdırıcısı təyin ediləcək. Söhbət "Araz"ı və yığma komandamızı uğura daşıyan Joze Alesio Da Silvadan(Alessio-red.) gedir. Qazaxıstan millisinin baş məşqçisi olan braziliyalı mütəxəssisin Bakıya gəlməyə razılıq verdiyi bildirilir. Azərbaycan Futzal Federasiyasının prezidenti Zaur Axundovun uzun müddətdir danışıqlar apardığı təcrübəli məşqçi Qazaxıstan yığması ilə müqaviləsinə birtərəfli qaydada xitam verəcək. 

Qeyd edək ki, Alessio futzal aləmində ən yaxşı məşqçilərdən biri hesab olunur.