Azərbaycan cüdo milli komandasının üzvləri Gültac Məmmədəliyeva, Elcan Hacıyev və Yaşar Nəcəfov ölkə xaricindən dəvət edilmiş yüksək səviyyəli ixtisaslaşmış cərrah tərəfindən əməliyyat olunublar.

Sportfm.az xəbər verir ki, bu barədə Azərbaycan Cüdo Federasiyası məlumat yayıb. Gültac Məmmədəliyevada sol çiynindəki zədə səbəbindən Latarjet əməliyyatı, Yaşar Nəcəfovda labrum yırtığı üçün ankorla artroskopik SLAP lezionunun refiksasiyası və Elcan Hacıyevdə Akromioklavikulyar oynağın minimal invaziv refiksasiyası və Endobutton ilə ön çarpaz bağ rekonstruksiyası əməliyyatları uğurla həyata keçirilib.

Gültac Məmmədəliyevanın 16-20 həftə (təxminən 4-5 ay), Yaşar Nəcəfovun 12 həftə (təxminən 3 ay) və Elcan Hacıyevin 20-24 həftə (təxminən 5-6 ay) sonra məşqlərə qayıtması gözlənilir.

Oxşar xəbərlər

Azərbaycan millisinin heyəti açıqlandı - Paris-2024

Cüdo yığmamızın “Böyük Dəbilqə” üçün heyəti - SİYAHI

Millimizin cüdoçusu Qran-priyə qatılmayacaq - Zədəyə görə

Cüdoçularımız Avropa çempionatında mübarizəyə başlayır

Cüdo millimizin “Böyük Dəbilqə” üçün heyəti - SİYAHI